Descargar o texto do Anteproxecto entregado na Comisión de Persoal do 15/02/2012
Nacional - Retribucións | ||||||
Escrito por Roxerio Roxo Carrillo | ||||||
Xoves, 16 Febreiro 2012 08:52 | ||||||
Na Comisión de Persoal realizada o 15/02/2012 na EGAP, ao tempo que realizaban concentracións de empregados/as públicos/as nalgúns lugares da xeografía galega, a Administración presentou un novo texto do anteproxecto, no que unilateralmente modulan certos aspectos do artigo 2 sobre Incapacidade temporal. O texto será aprobado, co voto en contra de todos os sindicatos, polo consello da Xunta do xoves 16. Comeza agora o trámite parlamentar, e continuarán as mobilizacións co máximo de contundencia e apoio de todos os traballadores e traballadoras ao servizo da Administración Galega. Os cambios son os seguintes: Se pagará o 100% das retribucións dede o primeiro día de baixa só nos seguintes casos:
Tamén se cobraría o 100% desde o primeiro día polas seguintes continxencias (porque así o regula a Seguridade Social, aínda que a Xunta o queira presentar como unha concesión):
Respecto ao resto de incapacidades temporais derivada de enfermidade común ou accidente non laboral, o complemento calcúlase do seguinte xeito:
A configuración final do anteproxecto, en conclusión, segue a dun IMPOSTO POR ENFERMIDADE aos empregados públicos da Xunta, dado que a quen enferma se lle detrae unha parte das súas retribucións, con criterios cando menos arbitrarios: por que pagar o 100% en caso de hospitalización pero non en caso de doenzas crónicas? Por parte da CIG-Autonómica fixémoslle chegar á Administración o noso rotundo rexeitamento pola ausencia de negociación real, xa que non admitiron outra mecánica que non fose debater sobre o texto, pechándose a recoñecer a realidade social brutal da demanda dos traballadores e traballadoras, expresada a través de asembleas e mobilizacións, de establecer un debate sobre a necesidade de recortar noutras partidas e sobre o gasto escandaloso en asesores, altos cargos, subdireccións, gastos protocolarios, asistencias técnicas, propaganda institucional, etc. Tamén rexeitamos a ignominia de establecer unha relación causal entre a necesidade de recortar o gasto nestas partidas e o mantemento dos servizos públicos. Advertímoslles, para que conste na correspondente acta, que polo de agora trátase dun anteproxecto e polo tanto non é vontade do lexislador, do que se desprende que do feito de intentar afogar un convenio colectivo están a arrogarse competencias exclusivias das Cortes Xerais do Estado que é sobre quen recae lexislar en exclusiva sobre materia laboral, advertíndoo por se houber lugar a responsabilidade. Así mesmo, falamos dos minijobs no Administración e da precarización das condicións de traballo do persoal temporal e interino, e anunciámoslles mobilizacións, advertíndolles da crecende indignación do conxunto do persoal da Administración autonómica. Hai que salientar que a Administración nunca achegou datos sobre a incidencia das baixas, a frecuencia, o custe que supoñía e tampouco aportaron ningún outro dato excepto os coñecidos dos 800.000 € do plus dos altos cargos e os 10.000.000 € dos distintos FAS. Neste sentido, a Dirección Xeral da Función Pública non facilitou ningún dato sobre as IT (dato que, á parte das consellarías, pode dar o CIXTEC), supostamente "para non danar a imaxe dos empregados públicos". Os recortes segundo a Administración suporán un aforro de 75.000.000 €, dos que supostamente 9.000.000 € corresponderían á redución de 1/3 na xornada e retribucións dos empregados públicos interinos ou temporais. Cómpre alertar de que esta é a estimación informal que traslada a Xunta ás organizacións sindicais; en ningún momento se nos facilitaron as estatísticas ou os datos reais do aforro desagredado por partidas orzamentarias. Canto á redución dos días de permiso por asuntos persoais, das xuntanzas mantidas coa Administración despréndese que só responde á necesidade de ter o Goberno de Feijóo un elemento ao que asirse para responder ás mobilizacións, tratando de prensentar ante a opinión pública unha imaxe falseada do colectivo de traballadores da Administración Pública, como privilexiados que se resistirían aos mais mínimos sacrificios en aras dun sedicente interese xeral. Desde a CIG-Autonómica debemos de deixar claro é que debido á presión dos traballadores é a resposta unánime concitada se viron obrigados a facer algunha modificación de cara á galería, para que restarlle unha levísima dose de agresividade ao texto, pero que en ningún momento por parte da Administración se atenderon as lexítimas demandas do persoal. |
No hay comentarios:
Publicar un comentario