LOITA COA CIGA O 17 DE XUÑO

 .

.
Non o permitamos!!!

Loita coa CIG o 17 de xuño

Por que unha nova Reforma Laboral cando despedir máis facilmente non crea emprego, senón que o destrúe. Reducir salarios non crea riqueza, paraliza o consumo e desactiva a economía. Pensa por que os países con salarios máis altos son os que menos sofren esta crise, teñen menor desemprego e menor precariedade nos contratos. Unha nova Reforma Laboral que ademais quere reducir pensións, ceder a xestión dos contratos a axencias privadas e ETTs, flexibilizar a xornada de traballo e desregular a negociación dos convenios para abaratar salarios e empeorar as condicións de traballo.

A que nos enfrontamos a clase traballadora diante desta crise?

UGT e CCOO teñen asinado nestes anos moitas reformas que abarataron o despedimento e reduciron salarios, pero a nosa loita é a única resposta para paralizar as reformas.

1ª.- Preguntémonos por que por primeira vez na historia en Galiza, o 20% da poboación acumula mais riqueza que o 80% restante que somos a clase traballadora?

Hai 30 anos en Galiza, cando éramos menos de 450.000 asalariados, traballadores e traballadoras, agora somos 900.000; o peso dos nosos salarios no PIB representaba o 63% mentres as rendas do capital (empresarios, executivos, profesións liberais) representaban apenas o 24%. Hoxe os salarios representan o 42% e as rendas do capital o 44%. Somos o dobre que daquela, pero diminuímos a nosa riqueza mentres os
ricos son moito máis ricos.

Mais do 60% dos salarios en Galiza non supera os 1.000€. Hoxe unha familia necesita traballar home e muller para defender a súa economía, e maioritariamente nos sectores con baixos salarios búscase o auxilio das horas extras e ademais recorrer ao crédito e ás hipotecas, senón os salarios non chegan. A economía da clase traballadora está endebedada para negocio dos bancos, tamén os baixos salarios para maior plusvalía e beneficio das Empresas.

2ª.- Preguntémonos tamén porque se propoñen as reformas para corrixir a débeda pública en países como Grecia, Portugal, Italia, Irlanda e o Estado Español, cando son precisamente estes países os que menos débeda pública teñen en relación ao PIB (Produto Interior Bruto) da Europa dos 15, e son por tanto os que menos gastan en pensións, prestacións públicas, desemprego, ensino, sanidade e salarios dos empregados públicos.

Cando esixen reducir o gasto público no Estado español, o que están a pedir os ricos, o capital, é que se reduzan os salarios dos empregados públicos primeiro e logo o do resto dos traballadores e traballadoras, non importa que xa sexan baixos. Ademais piden que se reduzan as prestacións públicas, pensións e desemprego, e todos os gastos destinados a sanidade e ensino público. Desta maneira os Bancos estarán seguros que de primeiro o Estado lles paga a eles os empréstimos contraídos polos Bonos Públicos (débeda pública), e os empresarios están seguros de que coa redución do gasto público se van privatizar para as empresas servizos públicos na Sanidade, no Ensino, na Asistencia a dependentes e terceira idade, nos servizos dos Concellos e das Comunidades Autónomas, Piscinas, Incendios, Limpeza, etc. Máis negocio para a empresa privada e peores salarios, peores servizos públicos e máis precariedade para a clase traballadora.

3ª.- Como podemos explicar que xusto nestes países que teñen os salarios máis baixos da UE dos 15, precisamente para estes, os Gobernos, a Banca e os Empresarios están pedindo e executando medidas de redución e conxelación de salarios?

Unha das medidas que máis rouba diñeiro á clase traballadora e o transfire para o capital prodúcese por unha profunda reestruturación e reformas laborais no mundo do traballo nos últimos 30 anos. A subcontratación do traballo en todos os sectores, a eventualidade, as ETTS, etc, hoxe no Sector Público, no Automóbil, no Naval en calquera sector a subcontratación faise para abaratar os salarios, para traballar máis horas, para poder despedir mais facilmente sendo eventuais, para poder sobreexplotar a clase traballadora. Pero curiosamente os países cos salarios máis altos son os máis competitivos e con menor desemprego, por tanto salarios baixos e precariedade é igual a máis crise e maior desemprego.

4ª.- Como se explica que o Goberno español destinase máis de 200.000 millóns de euros no ano 2009 en axudas á Banca con xuros do 1%, e logo estes mesmos bancos con este diñeiro, poidan mercar Bonos do Estado (emisión de débeda pública ) que o Estado deberá pagar logo a estes bancos a uns xuros de entre o 7 e 10%?

A Banca e as transnacionais teñen un poder inmenso. O lóxico sería que en vez de darlle este diñeiro á Banca Privada e endebedarse con eles, o Estado crease unha Banca Pública como existía antes, para asegurar o crédito ás empresas e á clase traballadora, deste xeito non se paralizaría a economía porque se activaría o consumo. O caso de Brasil e Uruguai son paradigmas deste exemplo: con catro Bancos Públicos, en vez de reducir salarios, subíronos e as súas economías son das que máis medran no planeta e crean emprego. Non teñen crise. Pero a Banca Privada non quere competidores públicos. O capitalismo concentra a riqueza para os capitalistas.

5ª.- Por que nestes mesmos países queren reformar o Sistema Público de Pensións, cando por exemplo no Estado español o Fondo de Reserva acumula 53.000 millóns de superávit, a maior cantidade da súa historia?

A clase traballadora é hoxe o dobre que hai 30 anos, por tanto somos o dobre dos cotizantes. Por esta razón desde hai 10 anos o Fondo de Reserva das Pensións ten un superávit tan importante. As pensións non están en crise, pero é un gran negocio para a Banca e as Empresa privadas que queren xestionalo. Reducir as pensións públicas para que teñamos que contratar pensións privadas e deixar sen recursos aos máis necesitados socialmente. Esta política está fracturando mais á sociedade, creando mais exclusión social e repartindo a riqueza para os máis ricos.

17 de xuño: MOBILIZATE!!!

Manifestacións:

Vigo ás 20,00 h. Vía Norte
Coruña ás 20,00 h. Praza da Palloza
Santiago ás 20,30 h Praza Roxa
Pontevedra ás 20,30 h. Praza da Ferrería
Ferrol ás 20,00 h. Avda. de Esteiro (local da CIG)
Lugo ás 20,00 h. Parque de FRIGSA
Ourense ás 20,00 h. Pavillón dos Remedios

DESCARGA O COMUNICADO

NOTA INFORMATIVA CIG 1 DE XUÑO DE 2010

Os vosos representantes CIG queremos facer as seguintes aclaracións en relación á folga convocada no sector público para o vindeiro 8 de xuño como rexeitamento das medidas adoptadas no Real Decreto Ley 8/2010 para a reducción do déficit público, e do que xa vos informamos o pasado 24 de maio:

1. Analizado o texto do Real Decreto e consultada a asesoría xurídica da CIG concluímos que as medidas de reducción salarial NON SON DE APLICACIÓN ao persoal de SODECO, en base á Disposición Adicional Novena:

Disposición adicional novena. Normas especiales en relación con determinadas entidades del sector público a efectos de la aplicación de la reducción salarial prevista en este Real Decreto-ley con efectos 1 de junio de 2010.

Lo dispuesto en la Ley 26/2009, de 23 de diciembre, de Presupuestos Generales del Estado para 2010, en la redacción dada por el presente Real Decreto-Ley en lo relativo a la reducción salarial, no será de aplicación al personal laboral no directivo de las sociedades mercantiles a que se refiere el apartado Uno.g) del artículo 22 de la citada Ley ni al personal laboral no directivo de las Entidades Públicas Empresariales RENFE, ADIF y AENA, salvo que por negociación colectiva las partes decidan su aplicación.

2. CIG, como organización sindical, convoca folga no sector público para o 8 de xuño co seguinte texto:

Que por medio do presente escrito veñen a concretar a convocatoria de Folga Legal de 24 horas de duración nos seguintes ámbitos:

· De persoal docente e non docente non universitario da Consellería de Educación e Ordenación Universitaria.

· Do persoal docente e non docente da USC, da UVigo e da UDC.

· Ao persoal estaturario, funcionario e laboral, así como ao persoal con contrato en formación ou persoal residente en formación: MIR, PIR, FIR, EIR… que presta os seus servizos nos centros de traballo do Servizo Galego de Saúde.

· Á totalidade da plantilla de traballadoras e traballadores que desenvolven a súa actividade profesional nas diferentes administracións públicas existentes en Galiza: Administración periférica do estado (incluíndo Correos, autoridade portuaria, axencia estatal tributaria…), administración autonómica, administración de xustiza e administración local de Galiza, incluídos entes públicos e organismos autónomos, Sociedad Estatal de Correos e Telégrafos S.A.

A folga desenvolverase o día 8 de xuño de 2010, iniciándose a Folga ás 00:00 h. e rematando as 24:00 horas da mencionada data. Naqueles centros de traballo que teñan varias quendas o turnos de traballo o comezo da folga efectuarase á hora de entrada da primeira quenda e a súa finalización co remate da última quenda.

Os motivos nos que se fundamenta a convocatoria de Folga son:

Rexeitamento das medidas propostas polo goberno do estado español en contra da crise. Concretamente o rexeitamento e petición de derrogación do R. D. 8/2010 de "medidas extraordinarias para a redución do déficit público"

Nesta convocatoria de folga que fai a CIG, están incluídos os entes públicos e os organismos autónomos, MAIS NON AS SOCIEDADES MERCANTÍS, que como SODECO non se ven afectadas polo recorte salarial.

ACTA DA SESIÓN ORDINARIA DO PLENO DO COMITÉ DE EMPRESA DA SOCIEDADE ANÓNIMA PARA O DESENVOLVEMENTO COMARCAL DE GALICIA DO 25 DE MAIO DE 2010 ACTA 06/2010

.

.

. 

ACTA DA SESIÓN ORDINARIA DO PLENO DO COMITÉ DE EMPRESA DA SOCIEDADE ANÓNIMA PARA O DESENVOLVEMENTO COMARCAL DE GALICIA DO 25 DE MAIO DE 2010 ACTA 06/2010

ASISTENTES:

Pola CIG:
Manuel Jorge Dorrego Taín
Roberto Blanco Martínez
Carolina Sevilla Carbón

Por UGT:
Dominique Aller González
Inmaculada Serantes Duran
María Elena Bernárdez López

En Santiago de Compostela, sendo as 13:00 horas do día 25 de maio de 2010, reúnese en sesión ordinaria o Pleno do Comité de Empresa no centro de traballo da Sociedade Anónima para o Desenvolvemento Comarcal de Galicia coa asistencia das persoas anteriormente relacionadas, segundo a seguinte orde do día:

Punto primeiro.- Lectura e aprobación, se procede, da acta da reunión anterior
Punto segundo.- Análise das propostas presentadas para os cursos de formación. Preparación de informe final para dar resposta a Recursos Humanos.
Punto terceiro.- Achegas e preguntas

Punto primeiro:
Foi lida e aprobada por unanimidade a acta da reunión anterior.

Punto segundo:
Acordouse por unanimidade entregar ao Director Xerente a totalidade dos cursos demandados cos seu detalles e presuposto, así como solicitarlle unha reunión para este tema. Acordouse asemade enviar unha nota informativa a todos/as os/as traballadores/as co resumo dos cursos presentados.

Punto terceiro:
Dominique Aller solicita que nas comunicacións do Secretario que se fagan como respostas ou como aclaracións á consideracións dos membros do Comité de Empresa, se faga referencia á toda a cadea de mensaxes orixinados para non perder fío do tratado. O Presidente indica que así se fará e se lle dará traslado ao Secretario, ausente nesta sesión.

Elena Bernárdez pregunta se hai algunha novidade no borrador de Anteproxecto de Lei. O Presidente indica que ata o de agora non se recibiu comunicación algunha. Acórdase por unanimidade facerlle esta pregunta ao Director Xerente na xuntanza de formación.

Roberto Blanco indica que o xeito de comunicación por parte da Dirección dalgunhas cuestións como xxxxxxxxxx non está sendo todo o discreto que debería ser. Acórdase por unanimidade comentarlle este tema ao Director Xerente na xuntanza de formación.

O Presidente fai lectura dun escrito dirixido pola traballadora xxxxx xxxxx, do Centro Comarcal de xxxxxxxxxx, reclamando o calendario de vacacións posto que no Centro non teñen constancia da aceptación da súa solicitude de vacacións. Acórdase por unanimidade solicitarlle por escrito ao Director Xerente a publicación do calendario de vacacións en todos os Centros Comarcais.

Dáse por finalizada a sesión ás 14:00h. En proba de conformidade todos os asistentes asinan a presente Acta no lugar e data recollidos no encabezamento desta.

Real Decreto-ley 8/2010, de 20 de mayo, por el que se adoptan medidas extraordinarias para la reducción del déficit público

.

.

DESCARGA:

Real Decreto-ley 8/2010, de 20 de mayo, por el que se adoptan medidas extraordinarias para la reducción del déficit público.

Resumo da Mesa Xeral da Función Pública en Madrid

O xoves 20 de maio, xuntouse a Mesa Xeral da Función Pública en Madrid, e a CIG exixe a retirada das medidas de reducción do déficit público.

Nesta reunión a Administración non fixo entrega de ningún documento, limitouse verbalmente a dar a pouca información á que estaban autorizados, e remitiunos ao que acordase o Consello de Ministros que se xuntou ás 16:30 h. Para esta perda de tempo, mellor que non nos convocasen !!

O Goberno vai elaborar un Decreto Lei que ten que ser ratificado polo Parlamento Español, decreto que conterá, cando mínimo, as seguintes materias:

Persoal funcionario e Estatutario

O Decreto do goberno Español conterá, con carácter xeral, unha redución que será de aplicación ás retribucións básicas de todas/os as/os empregadas/os públicos: soldo base e antigüidade.

A redución a aplicar nas retribucións complementarias será competencia das CCAA para que o apliquen conxuntamente a todas/os as/os empregadas/os públicos, ou sectorialmente (que cada Consellaría determine as reducións a aplicar).

Os efectos económicos da redución serán desde o dia 1 de xuño de 2010. A paga extra do mes de xullo non ten redución.

Persoal Laboral

Para aplicar as medidas a este persoal van facer uso das facultades que lles confire o Estatuto Básico do Empregado Público (se non, non llo poderían aplicar), xa que as súas retribucións determínanse de acordo coa lexislación laboral e o convenio colectivo que lles sexa de aplicación. En base a isto, a redución salarial ten que ser directa e individualizada, fora do ámbito da negociación colectiva (parabéns aos sindicatos CCOO, UGT e CSIF, parabenizadores e asinantes do Estatuto Básico).

Empresas públicas e persoal próximo á xubilación

A Presidenta da Mesa Xeral non tiña información de como se lle van a aplicar estas medias ás empresas públicas e outros entes.

A Admínistración valorará a aplicación destas medidas ao persoal que este próximo á xubilación, aínda que non lle afectará ao persoal de MUFACE.

Fondos de pensións

Como remate, un dato importante: manteráse o 0,3% de masa salarial para os fondos de pensións no 2010, 0,5% para o 2011 e 0,7% para o 2012. Parécenos unha inmoralidade que os salarios estean afectados, e os fondos de pensións sigan alimentando os petos dos poderes financieiros e dos sindicatos que participan na súa xestión.

So así podemos entender o firme interese dos sindicatos estatais en excluir á CIG da unidade sindical ao forzar que tivesemos que aceptar o que no seu día non aceptamos: a demanda de manter as cantidades para os fondos de pensións como reivindicación básica para a unidade sindical.

A CIG pediu na Mesa a retirada do conxunto das medidas de recorte salarial.

Máis información no web da CIG-Autonomica.

http://autonomica.cigadmon.org